捧馬雅雙「寶」摘「星」

463

  今晚有六場沙地賽事舉行,上陣馬數量唔算少,小妹今晚睇好馬雅座騎,揀咗三匹畀大家參考,過晒關都有一定分頭。

  第一場未勝出馬一三五〇米,「寶勝利」呢匹四歲馬上次小妹都有推介,可惜力拼下終點一步被對手僅僅超越,屈居亞軍真係可惜。復課操練冇偷懶,馬匹狀態更進一步。今晚出爭處女馬賽事,形勢佔優,呢隻馬目前評分大把水位,捲土重來增程應更合腳法,值得捧場。

  第四場二班一三五〇米,「星爺」來澳後以沙地表現較為理想,上季在沙地取得兩勝兩位,表現絕對不差。呢隻馬暑期後轉投馮廄,馬房接手後亦不敢怠慢勤做工夫,馬匹試跑走勢夠勁,狀態甚勇。今晚用馬雅出爭去季贏馬路程,決心認真唔小,信賴騎練合作成功率突出數據,贏位兼投應該有所回報,可放心支持。

  第六場四班一五一〇米,「起盛寶」呢匹四歲馬沙地性能較為優勝,上季在沙地取得一勝四位佳績,表現令人驚喜。上仗季內初出配上華將,臨場落票搏殺,可惜馬匹表現失望,末段走勢潰不成軍。今晚重配上季合作四次,取得一勝三位的馬雅操刀,可見馬房決心見真章,尾場均勢場合不妨作為重心,追捧多次可望本利歸還。