捧馬雅勝利皇星中三元

301

  今日有六場沙地賽事舉行,上陣馬亦唔算太少,形勢帶暗湧,小妹今日睇好大師傅馬雅座騎,揀選三匹畀大家參考,希望可以有所收穫。

  第二場四、五班一三五〇米,「佑康」呢匹五歲馬沙地性能不弱,除了上仗在沙地中距離表現回落外,之前一連五仗表現相當穩定,取得一冠三亞一季佳績。晨課備戰工夫重新展開,馬匹狀態保持作戰水準。今日返回此程角逐腳法較合適,角逐四、五班混合賽形勢有利,排檔理想可望交出好表現,值得捧場。

  第三場二班一〇五〇米,「勝利皇星」呢匹四歲新星沙地性能優越,在澳兩戰同程均以輕鬆姿態贏馬,過程未受考驗。晨課操練認真,馬匹狀態大勇。今日仍角逐評分與上仗相同賽事,負磅祇是增加一磅,優勢明顯,起步順利跟出,以其實力可望取得三連勝,賠率熱辣辣亦可放心捧場。

  第五場三、四班一五一〇米,「北方傳說」呢匹八歲老傢伙實力當然難與盛年時相比,不過目前評分唔算高,相信祇要健康唔出現大變化,今季應有機會爭取到頭馬。上仗在草地中距離後追得第二,末段走勢吸引。今日走馬換將配上好手馬雅策騎,馬房用意明顯,轉戰沙地對手實力較弱,前中段留守中間位置,可望憑較強後勁在直路上突圍而出,贏位兼投應有一定收穫。