捧馬雅今晚連場「勝利」

467

  今晚有六場草、沙地賽事舉行,上陣馬較少,形勢帶有暗湧,小妹今晚睇好馬雅座騎,揀選三匹畀大家參考,希望可以順利過關。

  第三場二班一〇五〇米,「勝利皇星」呢匹四歲馬外地上陣次數不多,相信仍有不少進步空間。上仗在澳初出角逐沙地短途,臨場票數硬朗,結果起步帶出後即輕鬆贏馬,過程大把在手。復課馬匹操練正常,勝後狀態更勇。今晚配上馬雅戰鬥力有增無減,馬房作風鮮明,賠率熱辣辣亦唔緊要,路合檔佳應可再勝一仗,值得捧場。

  第四場三、四班一三五〇米,「悍勇駿駒」沙地性能突出,季初在同程取得兩連勝,經過一輪回氣,最近馬匹陣上走勢又見回勇。上仗在嫌短的沙地短途後追得第三,末段追回甚多失地。復課備戰積極,試跑走勢急勁。今晚重返首本路程上陣,重召馬雅執韁決心甚大,今晚馬房布下強陣,相信呢匹馬可做變倍器,不妨追捧。

  第六場四班一〇五〇米,「雪球」呢匹五歲馬沙地性能較佳,不過本身發揮較具尺寸,在澳暫取得一場勝仗,而有四次跑入季軍紀錄。上仗此駒採取快放跑法,結果在草地中距離拼入季軍,表現不俗。今仗重返有根據的沙地短途上陣,馬房強配馬雅而來,鬥志方面唔使懷疑,遇上同場對手實力不強,可望憑藉騎者功力替呢匹馬勝回一仗,尾場賽事一於用佢做膽。