捧馬雅三駒今晚「勝利」

353

  今晚有六場沙地賽事舉行,形勢相當平均,小妹今晚繼續睇好馬雅座騎,揀咗三匹畀大家參考,啱心水可玩吓過關。

  第一場四、五班一〇五〇米,「寶勝利」呢匹四歲馬現時評分已減去不少,上季尾由譚廄接手後跑過兩仗,雖然名次唔算突出,不過走勢已有改善。賽前操練工夫做足,試閘走勢順暢,狀態不弱。今晚配上好手角逐,戰意唔使懷疑,未交代馬戰意十足,可望後上制敵,值得捧場。

  第二場三、四班一〇五〇米,「高而靜」質新實力不弱,上季在同程四戰取得兩勝兩位,表現穩定可見其沙地性能甚佳。新季操練正常,試跳走勢夠勁,狀態已及水準。今晚出爭首本路程擺明車馬,呢件綵衣出名鬥志好,排內檔起步一定會採取領放跑法,可放心支持。

  第六場四班一三五〇米,「悍勇駿駒」呢匹馬沙地性能優越,上季在沙地取得一勝四位佳績,表現準繩。晨課準備工夫認真,試跑走勢吸引。今晚報跑首本路程,馬雅唔放手一定有原因,轉倉馬兩戰仍未贏馬交代,戰意唔使擔心,尾場賽事可作為重心捧場。