捧陳俊輝三件有「財富」

156

  今晚有六場沙地賽事上演,上陣馬數量唔少,形勢較為平均,小妹今晚睇好陳俊輝馬房既參賽馬,介紹三匹畀大家參考,希望可以順利過關。

  第二場二、三班一五一〇米,「大盈若沖」呢匹六歲馬沙地性能較突出,上季在沙地賽事取得一勝三位,整體表現唔算太差,尤其季尾一戰在同程跑第四,與頭馬距離不過是一個多馬位,表現回勇。今晚角逐二、三班混合賽形勢唔算吃虧,重配查維斯人馬夠夾,配合馬房今晚強勁攻勢,不妨贏位兼投。

  第三場二班一三五〇米,「綠色財富」質素不弱四歲馬,上季後期轉戰沙地賽事,結果試出彩虹,三戰沙地取得兩冠一亞佳績,場地性能相當突出。新季晨課準備足夠,馬匹狀態更勇。今晚再爭沙地決心甚大,安萬堯趕返應戰心中有馬,負磅不重下可望與對手一較高低,值得捧場。

  第五場四班一〇五〇米,「江山駿杰」呢匹四歲馬上季在沙地同程兩戰兩捷,過程完全未受考驗,潛力可謂深不可測。晨課操練認真,拍跳走勢洶湧,出腳有力狀態突出。今晚再戰首本路程擺明車馬,安萬堯壓陣人馬合拍,馬房新星逢出必拼,路合檔佳可望再勝一仗,不妨追捧。