捧譚文就贏三「寶」

383

  今日有六場草、沙地賽事舉行,上陣馬唔算太多,形勢混亂,小妹今日睇好譚文就馬房既參戰馬,揀選三匹畀大家參考,希望可以順利過關。

  第三場一、二班一〇五〇米,「豐收寶」呢匹五歲馬沙地性能特佳,上仗出爭草地短途落敗,與性能不合有關。此駒今季三戰沙地短途得一勝兩位,表現穩定。晨課操練認真,狀態具作戰水準。今日重返首本路程角逐,重投馬雅胯下人馬合拍,排五檔起步有助發揮,對手熟口熟面,可望一放而回,值得捧場。

  第四場二、三班一三五〇米,「寶勝利」呢匹質新分子季內成熟進步,除上仗在草地中距離落敗外,之前四戰沙地取得三冠一亞佳績,可見沙地性能突出。休後重新操練,試跑走勢急勁,狀態甚佳。今日選擇沙地才報名上陣,馬房部署目標明確,用冼文諾執韁唔似熱身,留放得宜可望交出好表現,不妨贏位兼投。

  第五場四班一五一〇米,「起盛寶」場地適應力較廣,季內在沙地同程取得一勝兩位,表現準繩。復課操練正常,狀態勝上仗復出時。今戰試準再來,交由冼文諾操刀勝在鬥志鮮明,馬房今日布下強陣,相信會係出擊時候,對手實力非強,順利跟前可望收復失地,不妨跟進。