捧譚廄三駒新年好好

606

  今日係新一年首次賽事,安排有六場草地賽事上演,參賽馬數量唔少,形勢平均料賽果暴冷暴熱,小妹今日睇好高君濤既參戰馬,介紹三匹畀大家參考,希望可以順利過關。

  第一場三、四歲馬千二米,「喜悅戰士」呢匹三歲自購新馬台型吸引,來澳後備戰工夫足夠,試閘走勢落腳純熟,末段亦能交出凌厲後勁,表現矚目。今日操足上陣,配上高君濤決心打硬仗,配合馬房今日攻勢,戰意唔使懷疑,排一檔起步形勢佔優,可望交出好表現,值得重視。

  第二場四班千二米,「好好」前香港退役馬匹,轉戰本地謀求出路,上仗操好上陣結果一出即勝,馬匹全程領放走勢順暢,評分明顯佔優。復課操練認真,狀態方面更進一步。今日角逐四班賽事形勢不吃虧,雖然要負重磅與對手周旋,但短途快馬相信影響不會太大,排檔理想可望一放絕塵,不妨追捧多次。

  第四場三、四班千五米,「大合金」呢匹馬中長距離實力足夠,今季上陣五次未竟全功,評分方面已得到調整。上仗在同程後追得殿軍,末段追回甚多失地。復課操練加強,試跑走勢不弱。今仗落班角逐形勢有利,高君濤鍥而不捨一定有理由,對手實力不強,留前鬥後可望勝回一仗交代,值得贏位兼投。