捧福嘉威過關起頭纜

197


  今晚有六場沙地賽事上演,而今次賽事開始恢復有過關投注,小妹揀咗三匹心水畀大家,希望可以順利過關,啱心水可跟進。

  第一場四五班一五一〇米,「福嘉威」呢匹馬沙地性能突出,季初在同程輕鬆贏馬,當時鞍上人陳卓鋒仲係有傷情況下,隻馬自動波自己湧上趕過對手。今晚重返勝途,高君濤繼續策騎一定唔會講玩,路合檔佳兼負磅唔重,祇要出閘順利,對手亦唔容易過佢呢關,可放心支持。

  第二場四班一三五〇米,「悍勇駿駒」質新分子台型俊俏,上仗初出其實狀態未算最佳,不過最後仍可輕鬆贏馬,可見實力超卓。復課積極練兵,試閘走勢勇猛,狀態更進一步。今晚原裝配搭角逐贏馬路程,馬房部署明刀明槍,對手實力唔算太強,應該可以再下一城,值得捧場。

  第三場三四班一五一〇米,「喜快」呢匹馬質素甚高,上季初出即勝,跟住轉戰草地亦能跑第三。今季馬匹成熟程度更足,上仗在沙地輕鬆取勝,累計四戰得三冠一季佳績,評分尚未止步。今晚加程角逐腳法一定合適,史偉恩老拍檔發揮駕輕就熟,雖然負磅稍重,但呢匹馬體重超過千一磅,應該可以應付,可視為捧場重心。