今日有五場草、沙地賽事上演，參賽馬數量唔算太多，草地跑道場地實際情況如何，臨場宜留意。小妹今日揀咗騎師普健士嘅三匹座騎畀大家參考，啱心水可玩吓過關。
第二場六班千五米，「聯安百勝」呢匹四歲馬今季成熟勇進，近兩仗在短途及中距離賽事均輕鬆擊敗對手贏馬，表現猶有餘勁。復課操練未有鬆懈，馬匹試跑走勢勁力十足，狀態大勇。今日繼續留在六班上陣，形勢可謂佔盡優勢，今次重交普健士出擊勝在人馬合拍，對手實力未算太強，跟前鬥後可望取得三連勝，可放心捧場。
第三場二班千五米，「暴風雪」六歲馬實力唔使懷疑，今季部署唔算心急，去年十二月底才復出，經過幾仗熱身，狀態亦逐漸提升至贏馬時水準。近兩賽此駒交由普健士策騎，結果在騎者出色發揮下，兩仗均以輕鬆走勢擊敗強手贏馬，可見人馬表現合拍。復課積極打磨，狀態仍然具贏馬時水準。今仗原裝配搭再來，對手與近仗相若，交回近兩仗水準相信可締造三連捷，值得贏位兼投。
第四場四、五班一〇五〇米，「蔬菜飛駒」質新分子早熟能跟能鬥，早前在六班賽事連勝兩仗，可見其沙地性能特佳。上仗再來成為兩倍熱門，不過由於前段落腳不夠快，只能跟守在馬群中間位置角逐，而廄侶則採取領放跑法，結果最後力追不及，以頭位之微不敵廄侶，表現未見真章。晨課操練認真，試跑走勢順暢，狀態大勇。今日出爭首本路程擺明車馬，原裝配搭勝在夠合拍，憑勇態支持可望贏馬收復失地，值得追捧。