捧張志立三四場一號馬

231

  今晚有六場沙地賽事上演,上陣馬數量唔少,小妹今晚睇好見習騎師張志立既座騎,介紹三匹畀大家參考,希望可順利過關。

  第一場五、六班一五一〇米,「明軒一號」呢匹三歲馬季初在草地短途賽事贏馬,之後轉向沙地發展,雖然未能再增添頭馬,但演出卻相當穩定,取得三亞三季成績。晨課操練認真,狀態保持勇態。今晚返回中距離角逐腳法合適,角逐五、六班混合賽形勢佔優,用見習生減磅出擊,交回上仗水準可望贏馬而回,可望先拔頭籌。

  第三場一、二班一三五〇米,「珍珠勁旺」呢匹馬王級分子季內演出穩定,今季上陣十次取得兩冠三亞三季佳績,表現保持水準。復課操練正常,試跑走勢急勁,狀態理想。今晚轉戰沙地性能合適,繼續配上見習騎師減磅搏殺,鬥志唔使懷疑,加上此系馬向來逢出必拼,留放得宜爭勝機會不低,不妨贏位兼投捧場。

  第四場三班一〇五〇米,「柏雪之寶」六歲馬沙地性能突出,季內在沙地取得三勝四位,表現亦算穩定。上仗在同程後追得第三,末段一衝追回甚多失地。今晚人馬重逢,負磅方面得以減輕,七駒角逐場合,沿途取位可以更靈活,起步順利應有力一爭,贏位兼投應該有一定收穫。