捧張兆煊今晚贏「叁號」

795


  
  今晚有兩場草地及五場沙地賽事舉行,形勢並唔簡單,選馬要冷熱兼顧。小妹今日揀咗三匹張兆煊馬房參戰馬畀大家參考,啱心水可以跟進。

  第三場三四歲馬一〇五〇米,「江河叁寶」呢匹新馬早熟具速度,沙地短途上陣兩次均不敵強手得第二,可見其實力亦唔簡單。復課操練夠積極,試跑走勢勁力增強,狀態大勇。今晚繼續交由馬雅搏殺,賠率雖然會較熱,不過騎練鬥志如虹,強手已去可望勝回一仗交代,值得追捧。

  第四場四五班一五一〇米,「江河神彩」七歲馬今季演出拍爛手掌,近六戰取得一冠四亞一季佳績,表現穩定準繩。晨課有正常操練,狀態並無走樣。今仗落班上陣形勢有利,千一磅馬匹負重影響唔係太大,同程表現交得準,由高君濤策騎鬥志十足,一於贏位兼投。

  第七場二班一三五〇米,「秋雲」呢匹四歲馬台型唔差,季內初出即在同程建功,可見沙地性能甚佳。上仗轉爭草地長途賽事,面對一群頂班精英,進度未配合而落敗也相當合理。復課重新備戰,埋門試閘後上走勢吸引,相信狀態唔會太差。今晚重返勝途換上余健雄出擊,馬房部署擺明車馬,起步順利可望一放而回,不妨追捧多次。