捧張兆煊三件路程「專家」

266

  今日有六場草地賽事上演,上陣馬數量踴躍,小妹今日揀選張兆煊馬房三匹參賽馬畀大家參考,希望可以順利過關。

  第一場未勝出馬千二米,「創投攻略」呢匹三歲馬台型吸引,上季上陣一仗大敗而回,不過今季演出脫胎換骨,兩戰同程取得一亞一季,名次拾級而上。晨課備戰工夫認真,狀態更進一步。今日角逐處女馬賽事形勢佔優,雖然排外檔起步,但以此駒速度前段應該可以順利切入內欄,交回季內水準已足以爭勝,值得捧場。

  第二場五、六班千五米,「套路專家」呢匹遲熟分子小妹經常追捧,不過上次在長途千八米祇能跑回一席第三,表現唔算太理想。復課重新備戰,試跑走勢依然吸引,狀態出色。今日返回中距離角逐,重配上季贏馬拍檔馬雅胯下夠合拍,落班角逐雖然負重磅,但形勢有利下可望勝回一仗交代,小妹決定追捧多次。

  第四場五、六班千五米,「細路」六歲馬場地適應力強,季初在同程得第八,表現唔算太差。上仗跑至半程受阻勒避,最後收慢再無參與角逐。復課重新調教,試跑走勢不俗。今日捲土重來角逐五、六班混合賽,形勢佔上風,交由老拍檔查維斯打硬仗,鬥志唔使懷疑,排三檔起步可貼欄領放,放順後對手要超越都唔容易,半冷門一於贏位兼投。