捧坤宇浩軒起頭纜

285

  今晚有六場草地賽事舉行,戲碼唔算太差,小妹今日揀咗高君濤三匹座騎畀大家參考,啱心水可以跟進。

  第一場特別條件千二米,「坤宇浩軒」四歲馬上陣次數唔多,上次首度在草地賽事角逐,結果以輕鬆姿態贏馬而回,表現大有進步。復課積極打磨,狀態更勇。今晚角逐特別條件賽形勢有利,馬房今季有機會爭逐冠軍,呢類質新馬難得各方面配合,一定會拼盡爭取頭馬,賠率熱辣辣都可放心捧場。

  第三場二三班千二米,「武當山」外地賽績唔弱,不過來到本地作賽始終要時間適應,今季三戰同程表現亦見接近。晨課備戰工夫認真,馬匹試跑走勢夠勁,狀態在冒起中。今仗重投高君濤胯下,人馬在前仗合作曾成熱門得第七,馬匹實力如何應心中有數,對手實力似強非強,贏位兼投可望有所收穫。

  第五場五六班千二米,「快樂玫瑰」呢隻馬台型唔差,季內曾經有一段時間冇上陣,相信係健康問題影響。復出後先熱身一仗,上次交由見習生操刀缺乏信心,但馬匹全程跟守在前面位置,最後跑回一席第三,表現露光。今仗易配大師傅而來,角逐五六班混合賽形勢絕對唔吃虧,試準出擊可望贏馬補中。