捧一對耀昌做王者

1911

  今日有六場草地賽事上演,參賽馬數量每場最多十匹,形勢反而更緊湊,小妹今日揀咗三匹實力馬俾大家參考,賠率可能係熱辣辣,但如果順利過關,都應該有唔錯收穫。

  第一場四、五班千二米,「奇峰王者」呢匹四歲馬台型吸引,上季初出即在同程輕取對手,可見實力唔簡單。上仗季內初出臨場備受重視,但可惜馬匹在前中段際遇欠佳,走勢並不太順暢,直路上遲遲未能望空,結果埋門五十米如飛衝上得第二,表現矚目。復課重新打磨,試跑走勢急勁,狀態突出。今日捲土重來再戰同程,續由張志立操刀必把握爭功機會,對手實力未算太強,可望贏馬收復失地。

  第三場一、二班千五米,「耀昌之星」呢匹頂班良駒場地及路程適應範圍廣,上仗季內初出角逐短途成一面熱門,但可惜騎師出閘不久便甩去腳踏,全程未能策騎下落敗,表現不足為據。復課重新調教,埋門試跑走勢一氣呵成,狀態大勇。今日換上華將張志立策騎,戰意方面不用懷疑,出爭中距離腳法合適,只要起步順利領放,以其竄勁可望直領到底,縱成為熱門但仍可放心追捧。

  第四場二、三班千八米,「耀昌之威」呢匹五歲馬來澳後上陣次數不多,上季在同程贏馬開齋,表現惹人好感。此駒在上季打吡大賽不敵強手得第二,伸算現時評分佔一定優勢。上仗季內初出在中距離後追得第四,末段走勢悅目。復課積極備戰,狀態攀升。今戰出爭長途腳法合適,配上恩利克留放有分寸,跟前鬥後可望贏馬而回,值得捧場。