捧「興」系首口孖寶

745

  今晚有六場草、沙地賽事上演,上陣馬數量不少,形勢平均選馬宜小心推敲。小妹今晚揀選三匹勇馬畀大家參考,啱心水可以玩吓過關。

  第一場五、六班千二米草地,「興測」呢匹四歲馬成熟程度與日俱增,季內先在草地同程拼入一席第二,表現有根據。上仗轉爭沙地一三五0米採取主動跑法,結果拼至埋門始不敵對手得第三,走勢吸引。今晚重配高君濤打硬仗,返回草地短途表現合適,處女馬求勝心切一定盡拼,鬥志唔使懷疑,路合檔佳可望贏馬打破悶局,值得捧場。

  第二場四、五班千五米草地,「興圓」質新分子上陣次數唔算太多,上仗試準出擊,加配面箍結果取得理想效果,轉彎前發力最後大勝對手四個多馬位,表現超班。復課操練認真,馬匹勝後狀態甚勇,試跑走勢急勁。今晚角逐四、五班混合賽形勢唔蝕底,黎昌全近賽手風順,對手實力不強,保持水準應可再下一城,寶尾唔怕再追。

  第六場三、四班一〇五〇米,「浩勝奔馳」三歲馬沙地實力甚強,上季在同程取得兩勝一位,可惜今季頭兩仗表現稍為失望,主要與馬匹起步及路程問題有關。上仗重新調教後再戰短途,結果以輕鬆姿態贏馬,過程未受考驗。復課備戰工夫認真,狀態大勇。今晚再爭首本路程擺明車馬,高君濤執韁人馬合拍,對手不多可望再捷,尾場賽事可放心作為捧場重心。