捧「一」哥高君濤三「寶」

922

  今晚率先有五場沙地賽事上演,大賽前夕戲碼唔算太吸引,小妹今晚揀選高君濤三匹座騎俾大家參考,啱心水可贏位過關。

  第一場二、三及四歲馬一〇五〇米,「艷姿媚」呢匹兩歲馬來澳時間唔算長,不過水土適應方面理想,晨課操練工夫循序漸進,早前試閘走勢一氣呵成,腳法相當純熟,狀態具作戰水準。今晚初出有備而來,配上高君濤更顯出搏殺決心,信賴馬房部署,對手實力唔算太強,初出可望即取得甜頭,值得捧場。

  第四場三、四班一三五〇米,「柏雪之寶」七歲馬沙地性能特佳,今季上陣次數較多,暫取得三勝三位,表現絕對唔差。晨課操練工夫正常,狀態保持水準。今晚出爭此程腳法合適,重召贏馬拍檔高君濤執韁唔似減分部署,同場對手實力接近,留放得宜可望在末段突圍而出,贏位兼投可望有收穫。

  第五場六班一三五〇米,「明軒一號」場地性能廣泛,今季上陣次數較頻密,可惜只取得一亞兩季成績,評分較季初已調整不少,現時評分肯定佔優。近兩仗在草地賽事雖然不入三甲,不過走勢已見接近。今戰返回沙地角逐性能合適,馬房即強配高君濤而來,搏殺決心昭然若揭,排三檔起步有助其主動跑法,試準而來可望贏馬打破悶局,尾場賽事值得留意。