寶寶初出唔係講「玩」

350

  今日係豬年首次賽事,有六場沙、草地賽事舉行,戲碼精彩且上陣馬數量踴躍,小妹揀選榜首騎練馬雅夾譚文就合作三駒畀大家參考,啱心水可用嚟玩吓過關。

  第一場,「寶寶」呢匹三歲馬台型唔錯,來澳後操練時間唔短,試閘走勢落腳純熟,天生速度甚佳,目前狀態已有作戰水準。馬房部署向來明刀明槍,初出配上馬雅唔似熱身,同場對手實力參差,有權取得開門紅,值得捧場。

  第二場,「有玩意」沙地性能甚佳,季內六戰取得三亞一季佳績,表現愈戰愈勇。試跑走勢夠勁,狀態甚勇。今日重配馬雅決心甚大,返回短途角逐腳法合適,起步順利可望將對手擊敗,贏位兼投可排隊等收銀。

  第三場,「撲克王」評分已調整至合理水平。近仗在不同途程落敗,但負於頭馬距離唔係太多,表現有起色。今日強配馬雅而來,人馬季內合作兩次全上名,可見相當合拍。同程演出有根據,遇上一群實力不算標青的對手,可望憑鞍上人功架將對手擊敗,半冷門值得一敲。