安萬堯「浩勝」系起孖

395

今日繼續有六場草地賽事舉行,場地實際情況不妨留意,小妹今日揀咗三匹安萬堯座騎畀大家參考,啱心水可跟進。
第一場四、五班千二米,「浩勝精綵」呢匹三歲栗色馬長相甚為吸引,上仗初出角逐同程已殺聲震天,結果力拼下以頭位之微得第四,表現惹人好感。復課操練認真,試跑走勢急勁,狀態大勇。今日熱身後再來,續由安萬堯操刀人馬夾檔,馬房戰意如虹,露光後亦希望替馬主盡快贏馬交代,有力贏馬收復失地。
第五場二、三班千二米,「浩勝銀影」五歲自購馬外地作戰經驗不少,贏馬及上名途程以短途為主,相信其短途實力不會太差。上仗在澳初出在沙地短途得第五,沿途表現具一定水準。今日轉爭草地短途相信更為合適,試準而來鬥志唔使懷疑,此系馬逢出必拼,熱身後再來可望將名次提升,不妨贏位兼投。
第六場三、四班千五米,「如意飛駒」呢匹五歲馬中距離實力甚強,上仗評分調整至季內贏馬時水平,結果在同程後上險勝對手,末段走勢如狼似虎,表現出色。復課操練正常,狀態更勇。今日原裝人馬再戰首本路程,負磅較上仗多五磅,形勢唔算太吃虧,騎者近期手風順,加上馬房新一輪攻勢展開,交回上仗水準可望再捷,尾場賽事不妨作為捧場重心。