妙算好好換人復失

491

  今日有四場草地及兩場沙地賽事舉行,形勢較為平均,加上臨場可能有雨,選馬更要小心。小妹今日揀咗三匹心水畀大家參考,啱心水可以跟進。

  第二場三四班千八米,「聯誠福星」呢匹馬擅跑變化地,上季亦曾在軟慢場地建功。今季馬匹成熟程度有進,近期陣上表現穩定,直路上往往能交出凌厲後勁,可見評分絕不吃虧。今日落班角逐形勢佔優,交由留放出色既何華麟執韁,相信會有更佳發揮,若場地偏軟更有幫助,值得贏位兼投。

  第五場四五班一〇五〇米,「妙算好好」質新實力未見底,上季初出即在沙地同程贏馬,伸算質素應唔會太差。上仗係今季初出,結果起步稍慢兼全程取外檔追趕,直路上雖追回甚多失地,不過只能跑回一席第四,敗得不值。復課積極打磨,狀態大有進展。今日改用何華麟操刀,可見馬房有決心收復失地,同場對手實力唔算強,起步順利可望贏馬收復失地,值得追捧多次。

  第六場四班一三五〇米,「榮華煌昌」呢隻馬台型甚佳,上仗初出角逐同程,臨場票數已反映幕後信心不低,結果起步後馬匹一直採取主動跑法,直路上再發力即拋離對手贏馬,表現出色。復課操練正常,勝後狀態更勇。今日再爭贏馬路程,馬房取易捨難決心爭取連捷,鬥志值得信賴,尾場賽事可作為馬膽看待。