名將高君濤縱橫澳門

534

  今晚有六場沙地賽事上演,上陣馬數量唔少,小妹今晚睇好高君濤嘅座騎,介紹三匹畀大家參考,希望有好成績交出。

  第一場五、六班一〇五〇米,「縱橫小子」呢匹四歲馬來澳後持續有進,上仗在同程力拼下得第二,表現理想。復課操練夠積極,試跑走勢順暢,狀態有進。今晚繼續由高君濤策騎,戰意方面唔使懷疑,試準而來一定拼盡求交代,排二檔起步有助發揮,有力先拔頭籌。

  第五場四班一〇五〇米,「運動名將」呢匹質新分子早熟速銳,季內三戰同程取得兩勝一位佳績,表現準繩。上仗後一直有正常操練,試跑表現急勁,狀態大勇。今仗雖然要負重磅與對手周旋,但此駒本身體型夠紮實,相信可應付重磅,騎練向來合作愉快,起步順利可望直領到底,值得捧場。

  第六場四、五班一五一〇米,「艾卡爾」九歲老馬現時戰鬥力雖與全盛時比較會有差別,但今季上陣次數不多,體力方面較為優勝。上仗在一三五〇米路程後追得第三,末段衝刺凌厲。今晚出爭中距離腳法合適,高君濤唔放手再騎一定有原因,對手實力並非太強,留放得宜可望替此匹老馬勝回一仗,尾場賽事不妨用佢贏位兼投。