馬雅生日前座騎實力「強勁」

484


  今晚有九場草、沙地賽事舉行,形勢絕不簡單,小妹今晚睇好就嚟生日嘅巴西好手馬雅座騎,揀選三匹畀大家參考,希望可以取得佳績。

  第三場二、三班千八米草地,「珍珠強勁」呢匹四歲馬今季成熟程度突飛猛進,季內暫取得四勝五位佳績,表現愈戰愈勇。上次在巴西騎師冼文諾胯下拼入亞軍,由於賽事連番延期,呢隻馬有更足夠時間休息,對其體力回復相信百利而無一害,由馬雅執韁戰鬥力有增無減,負輕磅角逐有助發揮,若場地偏慢同樣合適,不妨贏位兼投。

  第六場一、二班一〇五〇米沙地,「豐收寶」呢匹五歲馬沙地性能優越,上仗在草地短途賽事落敗,純粹場地性能不合有關。此駒季內三戰沙地短途得一勝兩位,表現準繩。晨課一直操練正常,狀態保持作戰水準。今晚休息足夠再上征途,出爭首本路程擺明車馬,馬雅執韁人馬合拍,排檔理想可望一放絕塵,值得捧場。

  第七場二、三班一三五〇米沙地,「悍勇駿駒」跑同程首本,晨課操練積極,試跑走勢爽勁,狀態甚勇。續由馬雅操刀,人馬合拍,再加上幕後戰意如虹,賠率冷熱都會照拼,今場賽事形勢平均,用呢匹馬做重心較為可靠,不妨跟進。