協會八號跑變化地「吉祥」

853

  今日繼續有六場草地賽事上演,場地起變化形勢十分混亂,選馬宜揀選往績有變化地根據的馬匹,小妹今日揀咗三匹擅跑變化地既參賽馬畀大家參考,啱心水可玩吓過關。

  第二場四、五班千二米,「添彩吉祥」呢匹七歲馬短途表現最突出,前仗在同程一放到底贏馬,表現水準不低。上仗雖然未能再下一城,但前中段走勢一直具競爭力。晨課操練正常,火氣十足。今日出爭首本路程且場地軟慢,對其發揮有正面幫助,余健雄停賽改用見習生特蘇日策騎,負磅減輕有助發揮,中檔起步放出可望在變化地上帶返終點,值得贏位兼投。

  第三場一、二班千二米,「乾卦」七歲馬沙、爛地表現特佳,上仗角逐沙地中距離成為半冷門,雖然馬匹在前中段處於較後位置,但轉入最後直路在騎師蔡義武努力取位下,末段如狼似虎衝上將對手擊敗贏馬,順利替鞍上人取得今季首場勝仗,人馬表現精彩。今日返回草地短途上陣,途程雖然較短,但難得遇上變化場地,相信人馬亦會把握機會再拼一仗,只要前段唔好落後太遠,以其後勁可望在最後直路收復失地,半冷值得捧場。

  第四場三班千二米,「協會八號」呢匹正宗游水馬,在本地取得的五場頭馬中,有三場是來自爛地賽事,可見其變化場地性能十分出色。上仗在同程與強手對壘後追得第四,可見其狀態甚佳。今日再來雖然路程非正宗,不過得到場地之助,估計會起到正面作用,交由南非小將艾比策騎勝在鬥志高昂,採用留前鬥後跑法,可望在最後階段將對手超越,不妨留意。