余健雄爭冠軍比心機

767

  今日繼續有六場草地賽事舉行,戲碼較為緊湊,小妹今日揀咗騎師余健雄三匹座騎畀大家參考,啱心水可跟進。

  第一場未勝出馬千二米,「金槍勝」呢匹三歲馬長相吸引,上仗初出臨場所見狀態未足,但馬匹起步後採取快放跑法,結果末段始不敵對手屈居第二,表現眼前一亮。復課積極操練,狀態有進展。今日試準而來,排內檔起步形勢有利,余健雄與此係馬合作愉快,順利領放可望贏馬補中。

  第二場五、六班千五米,「強勁充沛」五歲馬成熟程度理想,近期馬房替其在不同路程參賽,希望可以找到發展空間,雖然未能贏馬交代,但馬匹陣上演出明顯有進。今日返回中距離路程,相信發揮上較為合適,余健雄熟手操刀,縱然排外檔起步,但祇要前中段跟守前列位置,直路上可望先發制人,值得追捧多次。

  第四場二、三班千二米,「比心機」呢匹四歲馬陣上演出穩定,而且場地適應力強。上仗在沙地賽事交出好表現,可見馬匹已適應高班賽事步速。復課操練認真,試跑走勢夠勁,狀態甚勇。今日返回草地首本路程角逐,余健雄執韁戰鬥力提升不少,加上馬房鬥志高昂,跟前鬥後可望重開勝利門,不妨重視。