余健雄今季比心機

312

  今晚有六場沙地賽事上演,上陣馬數量唔算太少,小妹今晚睇好三匹近況勇銳馬匹,介紹畀大家參考,希望可以順利過關。

  第二場四班一三五0米,「精選名駒」呢匹四歲馬台型夠吸引,亦係馬主引入的揀手貨。近兩戰在草地短途其實表現甚佳,不過無奈均輸給同馬房的另一匹同主馬,未能贏馬有點可惜。復課操練認真,狀態有進冇退。今晚轉往沙地一試,馬房部署一定心中有數,安萬堯操刀,人馬夠晒合拍,加上馬匹跑法主動,順利放出可望贏馬打破悶局,值得追捧。

  第四場二、三班一0五0米,「比心機」質新分子潛質不薄,上仗在澳初出角逐短途已搏殺有心,結果留前鬥後輕取對手,表現大把在手。復課備戰工夫冇偷懶,試閘走勢點到即止,姿態輕鬆。今晚轉場角逐,馬房不打無把握的仗,繼續由近期手風甚順的余健雄操刀,戰意唔使懷疑,跟前鬥後有力再下一城,值得捧場。

  第五場二、三班一三五0米,「神騏隊長」呢匹五歲馬近況勇達巔峰,上仗在同程以誇張姿態再下一城,過程完全視對手如無物,表現超級。復課操練正常,馬匹神色活躍。今仗由於鮑羅素停賽關係,馬房起用見習生操刀實際負磅減輕,以近期兩仗贏馬過程推算,今戰只要起步順利,相信再下一城機會甚大,縱成為大熱門亦唔怕捧吓場。