何華麟座騎實力「超群」

176

  今日續有六場草地賽事舉行,上陣馬數量不少,料賽果暴冷暴熱居多,小妹今日揀咗三匹何華麟嘅參賽馬畀大家參考,啱心水可跟進。

  第一場四、五班千二米,「火星代表」呢匹五歲馬實力雖非超卓,不過處身現班次始終有一定能力。今季在同程跟守好位後贏馬開齋,直至上仗才再跑相同路程得第三,可見現時以呢個路程最合其發揮。今日重配贏馬拍檔何華麟,搏殺決心昭然若揭,排中檔起步形勢不吃虧,跟前鬥後可望將名次提升,值得捧場。

  第三場二班千二米,「超群出眾」中短途實力分子,季內上陣次數唔多,上仗季內第二次上陣,即在同程一放到底贏馬,表現具說服力。復課備戰工夫正常,狀態保持大勇。今日續由何華麟執韁,負磅較上次祇多三磅,形勢並不吃虧,排五檔起步有助其主動跑法,保持水準可望再勝一仗,寶尾唔怕再追。

  第四場三班千五米,「輝煌昇」呢匹五歲馬上季演出鋒芒畢露,今季進度亦較慢,熱身幾仗後演出才重回正軌。上仗角逐同程後追得第三,末段衝刺凌厲。復課操練加強,試跑走勢甚佳。今日繼續由老拍檔何華麟壓陣,人馬合拍必拼無疑,熱身足夠後可望將威力進一步提升,值得贏位兼投。