何華麟座騎實力「強勁」

293

  今晚有六場草地賽事舉行,場面尚算熱鬧,小妹今日揀咗華將何華麟三匹座騎畀大家參考,希望可順利過關,啱心水不妨捧場。

  第一場未勝出馬千五米

  「珍珠強勁」呢匹四歲馬陣上演出穩定,上仗在同程搏殺有心,惜遇上班底較高的對手,跑回一席亞軍已有所交代。復課操練冇偷懶,試跑走勢急勁,狀態更勇。今晚原裝配搭再戰首本路程,部署明刀明槍,處女馬求勝決心明顯,對手實力非強,可望贏馬打破僵局,值得捧場。

  第二場四五班千二米

  「鼎豐」質新分子外型唔弱,上仗初出已有不少支持票,結果在同程後上得第六,末段追勢甚佳。復課積極打磨,試跑走勢大有進步,狀態不弱。今晚試準而來,繼續由何華麟押陣,排二檔起步形勢較上仗理想,馬房近期成績突出,試準出擊務求儘快贏馬交代,不妨贏位兼投。

  第三場二班千二米

  「天域翱翔」呢匹馬愈戰愈越勇,季內在同程兩戰兩勝,且在未能領放情況下,在直路發力超越對手贏馬,可見其進步幅度甚大。晨課操練正常,馬匹狀態勇得交關。今晚出爭五戰五捷的首本路程,易配何華麟戰鬥力進一步提升,可見馬房部署周詳,排中檔起步跑法更為靈活,信賴馬房鬥志,可望取得三連捷,可放心捧場。