何華麟停賽前贏三「寶」

411

  今日係慈善賽馬日次天賽,有六場草地賽事舉行,戲碼緊湊精彩可期,小妹今日揀咗三匹何華麟嘅座騎畀大家參考,希望可以有所收穫。

  第四場三四歲馬千二米,「聯安小子」呢匹質新馬台型吸引,季內上陣兩次均贏馬,過程輕鬆未受真正考驗。勝後操練正常,小休後馬匹狀態更勇,試跑走勢夠勁。今日出爭首本路程,馬房部署擺明車馬,騎者接手呢隻馬一定會爭氣大打身價波,可放心追捧。

   第五場二三班千五米,「皇庭之寶」質新分子仲有進步空間,上仗人馬首度合作,結果在中距離輕易贏馬開齋,末段衝刺凌厲。復課準備工夫冇偷懶,馬匹狀態更勇。今日排內檔起步,形勢佔到優勢,負磅較上次多六磅,估計影響唔會太大,跟前鬥後可望再下一城,寶尾唔怕再追。

  第六場三四班千二米,「夢想家」台型有型有款,難怪在澳上陣兩次均有不少支持票,但可惜馬匹走勢仍帶稚嫩。晨課馬房落足心機調教,馬匹試跑走勢有明顯改善。今仗初跑草地性能一定更為合適,交由何華麟執韁留放更有分寸,有足夠熱身相信今戰唔會袖手旁觀,尾場賽事不妨贏位兼投。