何華麟「柏」華倉攞「威」

1416

  今日有六場草地黃昏賽事舉行,上陣馬唔算太踴躍,小妹今日揀咗騎師何華麟嘅三匹座騎畀大家參考,希望可以順利過關。

  第一場二、三歲馬千二米,「柏檔明駿」呢匹三歲馬前景甚佳,最近在同程上陣三次,取得兩勝一位佳績,表現穩定可靠。復課操練認真,試跑走勢急勁有力,狀態甚勇。今日乘勇再來,角逐二、三歲馬賽事形勢佔優,何華麟近賽手風順,負一百二十三磅不算重,保持近賽水準,可期再勝一仗,屬贏位兼投最佳選擇。

  第四場三、四班千五米,「喜威」五歲馬場地性能廣泛,近期狀態穩定,一連三仗在中距離賽事交出好表現,表現準繩。復課操練正常,埋門試跑走勢順暢,狀態具作戰水準。今日返回草地首本路程角逐腳法合適,何華麟唔放手一定有理由,留前鬥後可望贏馬收復失地,值得捧場。

  第五場四、五班千二米,「汪臣」呢匹三歲馬陣上走規仍相當稚嫩,不過上仗在中距離路程表現眼前一亮,末段一衝追回一席第五,走勢大有進展。復課備戰積極,連續兩星期試閘認真考驗,狀態有起色。今日返回短途角逐雖非正宗,但前中段不太落後,末段可望從後追上,對手實力不強,有望將名次提升,追捧價值不低。