非常一擊

85

  第五場 第三班 1200米

  「友風子雨」北半球自購馬上季尾於同程爆大冷位,今季兩戰同程表現都不俗,已站在取勝邊緣。前仗採用居中後上跑法,末段外閃及難以策騎,加上騎者左邊韁繩脫手,連番意外亦可造全場最快末段跑第三,在其後過終點的「紅星」及「勁無比」之後都贏馬。上仗因排10檔早段卻放頭,可惜沿途被「勝利歡星」鬥燒,直路早段一度出頭,但最後一百米乏力只跑第五。今場再抽11檔,不過同場快馬甚多,如決心出閘縮後,交回前仗之追勁有力贏馬。「艮志騰雲」近兩仗跑田草千二米亦入位,前仗更只負於超班馬「好運多贏」入Q,轉戰谷草級數高晒。以往三捷全由潘頓經手,今次人馬重逢必拼。「忠心美麗」前仗跑同程屈居亞軍,但已壓倒路程專家「開心歡星」及「翡翠劇院」,上仗嚴重漏閘敗不足據。

  第六場 第三班 1650米

  「合拍威龍」上季尾初跑同程只負三個半馬位初見走勢,今季兩戰俱用馬房少合作之麥偉利,熱身意圖明顯。不過上仗走勢卻出奇地好,排一檔沿途守內欄,可惜直路上重重受困,最後百五米才望空即以勁勢衝刺,過終點後餘勢更強。試準後即換韋達,可見真章。「紅旗星將」上仗放至最後一步僅敗,今場快馬不多形勢仍有利,必拖。