非常一擊

353

  第一場 第五班 1800米

  今場熱門必落在兩大高手的「友瑩采」及「本事」身上,半冷可博實力絕不輸蝕的「心中有善」。此駒上季三捷谷草中距離,季尾更贏四班一哩,現重返五班十分有利。由去年二月起,此馬五次跑五班賽,得兩冠一亞一季一殿全入前四名佳績,包括上季618場次,用當時的十磅生巫顯東負121磅,大勝超過兩身位。今季初一直處回氣期,大前仗578場次減夠分落回五班跑同程,配貝湯美負132磅兼排12檔,沿途快放入Q,該場第三名「金童」新近贏四班賽,第四「金碧光芒」之後亦贏馬,可見水準甚高。近兩仗回升第四班跟跑,今場又可列陣第五班即配黃俊減磅,大樹遮蔭是出擊良機。「友瑩采」亦是四班不足五班有餘,六戰此班得一冠一亞兩季,人強馬勇抽一檔,正路配腳。「人間尋夢」上仗跑泥地完全不展步大敗不可作準,回師贏馬路程要吼實。

  第五場 第三班 1200米

  「愛馬劍」382場次跑田草一哩,與「白鷺飛翔」同得平頭第二,上仗跑千四米亦只負於超班的「錶之太陽」跑第四,季軍「芙蓉莊」及第五名「翔惑」剛周日又同場包位置Q,「愛馬劍」今次縮程跑短途且轉跑谷草級數賺晒,上仗賽前已贏谷閘,早已仄準場地性能,配叫座力不強之祈普敦可爆。「好友益」中年馬轉跑谷草試出彩虹,兩戰同程錄得全勝,今次升班上陣但負114輕磅,黃皓楠手風順,仍可入三甲。