非常一擊

664

  第二場 第三班 2200米

  「尖子」外地贏二千米,此類北半球長途馬大部分要較長時間適應。上季三戰俱成300倍以上大冷且輸十個馬位以上,今季跑四場俱為田草一哩,所負距離已縮短。上仗更有突破性進步,直路早段欠空位,望空後沿內欄逐步加速,終點前愈追愈近跑第六,只輸兩個多馬位已是來港後最佳。露光後即大幅增程六百米,且首度用外籍大師傅巴度。查此駒已退役的同父馬「澤驛駿驥」,當年亦是以自購馬身分運港,於田草連敗後初跑谷草同程即入Q,「尖子」同屬灰馬且部署相近,抽3檔屬最佳冷門。

  「事勝意」上季初曾於同程輕勝,當時評78分,今季五戰寓賽於操,剛戰跑泥地短途亦敗不脫節,狀態已到位,減至71分隨時可起筷。

  「文武傳奇」五戰田草及谷草此程贏四場,可見特擅大長途,上仗發力太早才敗,回配贏馬拍檔利敬國要防。

  第九場 第三班 1200米

  「問鼎高峰」上仗跑四班同程贏馬交代,今次回升第三班看似稍下風,不過今次抽3檔是一大優點,因此駒上季至今跑谷草同程三次抽3檔或以內,得兩冠一亞佳績,今仗有輕磅之利可與強敵周旋。

  「旋里多彩」上季494場次跑同程排12檔得第四,只負於當時甚銳之「好得威」,現比當時低6分,剛戰快跟獲殿狀態有起色,冷門可吼。