步速傳譯

168


  第 四 場
  「魅力星星」跑回千二,有望放頭造步速,「君悅灣」亦可擺前走,今場早段應有正常節奏。

  「魅力星星」上仗一千嫌短,加上出閘時向外斜跑及碰撞他駒,失先機敗績可抹去。看牠上季兩捷谷草千二米,726場次以快步速領放帶到,773場次同樣採放頭跑法締1分10秒13連捷,比同晚同班同程另一頭馬「你知我意」快0.12秒,所造水準都不俗。蔡廄PPG轉四歲只會更進一步,返強項可見真章。

  「天外天」上仗在港初出跑谷草一千米,原想採用前置跑法,惜起步勒避失蹄,末段又受困,際遇欠佳。而該場步速前慢後快,牠最後四百仍居第十一位,落後超過六馬位,但末段竟造22秒2追入第五只負兩身位;賽後連拍兩課,受讓8磅是前駒勁敵。「航天勇將」現評分減至與上季贏同程時相同。「超能量」七戰入Q四次,用黃俊減磅拖一票。

  第 五 場
  欠正宗前領馬,出現偏慢步速機會較高。

  「快利寶」近兩次跑同程都遇上偏慢步速,早段跑法較被動之下,末段縱締22秒49及22秒68快時間也只能追入二、五名。看牠上季贏同程及今季復出一役,早段都置身於馬群較前位置,今次排二檔只要起步順利,有望守二至四位競逐,末段再施展變速,是坐位望贏之材。

  「順其自然」今季兩戰得一冠一季,都是遇上偏慢步速,反映此馬甚合在慢步速場合搵食,加上又排好檔,丁廄馬可連珠炮發。「真跑得」投方廄後三戰得一冠兩亞,倉主似有意趁態勇用盡。「上浦福滿」上季跑三班田草千六米曾守三、四位得第三,今次於四班如能用同一跑法,佔先機是三甲材。