4英超爭霸足盃

116

  足總盃半準決賽之爭最後一仗,海鷗白禮頓又續演死裏逃生戲。落後兩球越級挑戰的英冠米禾爾,眼看出局卻峯迴路轉,奇跡般追至2:2平手,加時再戰,更戲劇化12碼挫敵晉級。

  賽後抽籤:藍月曼城vs海鷗白禮頓、黃蜂屈福特vs狼隊,兩戰將於4月6日星期六廝殺。

  慘被淘汰的米禾爾演出優異,上半場雙方互交白卷。戰至70分鐘皮斯獅子搖頭開紀錄,79分鐘奧拜倫入球領先2:0。海鷗主帥曉頓見大勢已去,派副選蘇尼馬治及黑鋒將洛卡特先後上陣,孤注一擲。

  88分鐘,洛卡特近門勁射建功追成1:2,補傷時間(90+5分鐘),得自由球蘇尼馬治主踢,豈料吊球入門敵軍門神馬田接波甩手「彈琵琶」而入,晴天霹靂送禮和局。

  加時30分鐘無添入球,彼此12碼了斷。海鷗鋒將梅菲首射中門楣失諸交臂,主隊米禾爾有機可乘曾一度領先,惜最後兩次劊子手操刀被撲救及越門射失,極刑輸4:5夢碎。海鷗起死回生,戰將擁躉歡喜若狂,興高彩烈。

  詩曰:

  捉到鹿不識脫角,米禾足盃夢落幕。

  海鷗死裏逃生天,準決賽曼城相搏。

  31輪英超戰果:

  降班膽富咸敗紅軍利物浦1:2。

  拖肥愛華頓勝車仔2:0。

  (波怪史德福電郵)