維拉靠12碼晉溫布萊

141

  世界最貴英冠升班戰,阿士東維拉戲劇性12碼勝西布朗(4:3),主隊隊長賓特示紅被逐出場,首仗敗1:2,次回合90分鐘堅守保持1:0挫敵手,兩戰2:2和局,加時亦難分解,憑極刑晉軍溫布萊決賽。

  豔陽高照,山楂球場座無虛席,主客擁躉高棚滿座,搖旗吶喊聲震山河。兩陣對圓,互有攻守。29分鐘,西布朗得界外球,守將荷基怒擲入禁區,主隊度森(後衛)迎球飛頂,皮球擦柱直竄入網窩。客軍圖反撲屢攻無果,半場完西布朗1:0領前。

  易邊續戰,西布朗攻勢頗多,卻無功而退。79分鐘,敵軍中場麥堅寧禁區邊被西隊長賓特絆倒(2黃牌),判官逐離場。人多欺人少形勢,維拉狂攻,主隊門前風聲鶴淚,門神莊士敦力挽狂瀾,一一解救。雙方激戰90分鐘,兩回合計平手,加時各安天命。

  維拉佔盡優勢,惜無法破嚴密防守,最後12碼了斷。西布朗兩劊子手操刀先後被門將救出,維拉只失1球取得最終勝利。擁躉歡喜若狂,氣氛動人。敗軍黯然神傷,欲哭無淚,維拉正等列斯聯和打比郡組出線權對陣。

  (波怪史德福電郵)

  詩曰:

  維拉勇闖溫布萊,門神表現虎將才。

  十二碼極刑對決,西布朗心痛悲哀。