歐洲之夜戰事此起彼落。繼歐冠半準決賽終極次回合後，輪到歐霸及歐協聯上戰場。首仗一敗塗地，慘吞3蛋的紅軍利物浦作客意甲阿特蘭大，斧頭兵韋斯咸落後兩球主場迎德甲新鮮出爐冠軍利華古遜，彼此形勢比人強，頹態畢露，實難望死裏逃生。
紅軍晏菲路失3球，大勢已去，周日英超竟又爆冷輸水晶宮0：1，爭標漸行漸遠。早前大四喜夢逐一幻滅，今夜作客勝敵兩球都被淘汰出局。
斧鎚兵亦同病相憐，周日英超主場敗富咸0：2，接連敗陣，一發不可收拾。敵手人強馬壯，士氣如虹，晉級門券是時候拱手送。意德兩軍大勢所趨，人心所向。英兩軍收復前失，反敗為勝創奇蹟？難也！
詩曰：
歐霸畫上休止符，紅軍斧鎚已被俘。
反敗為勝創奇蹟，只是安慰口頭呼。
歐協聯阿士東維拉首回合勝法甲利爾2：1，今移師再續前緣，只需和波即昂然晉級。周日酋長場憑鋒將屈堅斯及拜尼建功勇挫阿仙奴，狀態甚佳，雄心勃勃，可追捧過關斬將。陣中阿根廷鋼門馬天尼斯把關，蘇格蘭國腳中場靈魂將麥堅領軍、三獅兵中鋒屈堅斯衝鋒陷陣，實力雄厚，爭盃分子之一。
詞曰：
夢想四強，維拉可搶韁，周日繳槍氣燄張。能攻且擅守，認真夠薑！
（波怪史德福電郵）